مزعج مرا لمن انت تكون طاقة سلبية تتحرك عالأرض
الناس تكره صحبتك وتكره الكلام معاك
لمن تسير شخص يقارن نفسو بالناس ويسير يلوم الحياة على كل شي
لمن يتربى في قلبك الحقد والحسد والغيرة من نجاحات ناس غيرك .
التدوينة اللي فاتت شرحت نظرتي لموضوع الايجابية والسلبية
واعطيت بداية لطريق ممكن يمشي عليه أي شخص يبغا يتغير
كلام عملي قابل للتطبيق ، مو مجرد تنظير على خلق ربنا .
لأني انا مريت بتجربة الحلطمة الكتير واعرف انو التخلص منها صعب
وكنت اسمع دعاة الايجابية يتكلموا
طيب فين الحلول ؟
وعشان اوفر عليكم عناء التعب والتفكير حأعطيكم الخلاصة
وليكم الحرية في النهاية تاخدوا بيها أو لا
في النهاية دي مجرد تجربة شخصية بين صحبتين .
في البداية ابغا افكركم بالتجربة ولو كان في ناس ما قريت التدوينة اللي قبل ومافيها تقرا :
كانت ببساطة عبارة عن ٣ قوانين :
١- مافي حلطمة غير يوم السبت .
٢- يوم الجمعة لازم تقول الحاجات الكويسة اللي في حياتك .
٣- لو كسرت القانون الاول تتعاقب بانك تقول حاجات كويسة عن الشي اللي بتتحلطم منو .
في عوامل ساعدت في نجاح التجربة :
١- اهم عامل جديتك انت واصرارك عالتغيير .
٢- التزامك بالقوانين بدون غش ، التجربة دي كأنك بتعمل دايت ما ينفع تغش فيها بعدين تقول ليش وزني ما بينزل .
٣- جدية الشخص اللي بيعمل معاك التجربة ، ومهم مرا انو الشخص دا يكون هوا الشخص اللي انت في الغالب بتتحلطم فوق راسو .
٤- لازم في شي تشغل نفسك بيه عن الحلطمة ، الايجابية رحلة لتحسين الذات والرحلة دي قابلة للاستغلال
الفترة دي كنز وبالنسبالي لانها كانت في رمضان ، قدرنا انا وسهام نغير حاجات كتير جوتنا ونتعلم حاجات كتير .
٥- الايجابية والسلبية ليها اصول دينية وليها علاقة بفهم طريقة عمل اقدار ربنا
لازم تتعلم وتسمع وتقرا كتير لين ما يسير عندك قناعة ثابتة وعلاقة قوية بربنا ، قوة علاقتك بربنا وثقتك فيه ما اوصف قد ايش مهمة.
وعشان تفهم اكتر في موضوع القدر
تتقدر تتفرج على الحلقتين دي ، ساعدتني كتير :
نجي للنقطة الاخيرة والاهم ، ايش نتايج التجربة دي وايش عوايدها عليا انا وسهام ؟
التجربة دي عظيمة عظيمة عظيمة
كانت نقطة محورية في حياتي
نظرتي للاشياء اختلفت وتقديري للاشياء اختلف برضو :
١- طلعنا من اول جلسة امتنان باحساس رهيب و رضا مو طبيعي ، استوعبنا كمية الاشياء الحلوة في حياتنا بس احنا بطبيعتنا البشرية نحب نسلط الاهتمام على السلبيات .
٢- اول مرا اتحلطمت بعد بداية التجربة ، استهنت بجدية سهام واتحلطمت واخدت راحتي بس انصدمت من اني اول ما خلصت طبقت العقاب عليا ، لا شعوريًا الزعل اللي جوتي راح .
* عشان كدا باقول جدية الشخص اللي معاك عامل مهم .
٣- من ضمن الحاجات اللي استنتجناها انو الحلطمة بتكبر المواضيع وتعطيها حجم ومساحة اكبر ، تخلينا نزعل على حاجات ما تحوج .
٤- سار عندنا عادة مو مقصودة ، سرنا نتفكر في حكمة كل شي سيء في حياتنا وندور عالخيرة .
٥- قربنا كتير من السلام الداخلي .
٦- اتوقعت انو بعد اسبوعين الحاجات الحلوة حتخلص ومحا نلاقي شي نقولو يوم الجمعة
بس سارت تتجدد ، الصدمة كانت انو اشياء كنا نشوفها سلبية دحين سرنا نقولها ايجابيات .
٧- سرت راضية فعليًا ، مو راضية عشان لازم ارضى ، لا راضية وممتنة لربنا على كل تفصيل صغير في حياتي .
٨- اول اسبوع في يوم السبت اتحلطمنا شوية
بس بعد كدا سار اليوم يعدي عادي
السبت اللي فات نسينا اصلًا انو سبت ، حاجتنا الملحة للحلطمة اختفت .
٩- اتوصلنا لقناعة انو في فرق بين الحلطمة والفضفضة
الحلطمة انو الانسان يبربر ويزعل من شي ما يحوج
الفضفضة انو يسير موقف يزعلك
تحكيه باختصار وتعبر عن زعلك وتنقفل الهرجة
بدون التضخييم اللي بتعطيه الحلطمة للمواضيع .
١٠- واخيرًا ، انا وسهام حسينا بفرق في نفسنا وما اعرف اذا اللي حوليننا حسو او لا
بس انا سرت مبسوطة وراضية ومرتاحة .
ما باقول اني سرت بمبي زي الناس اللي بانقدهم
ولسا امس معدلة تعديل خفيف في القوانين لاني معد سرت ابغا اتحلطم
التعديل كان انو ممكن "نفضفض" باختصار وبدون كترة كلام
نعطي حزننا او غضبنا حقو بس بدون ما يخربلنا يومنا
ويكون على شي يحوج يزعلني بمقياس شريكتي في التجربة
وشي يحوج يزعلها بمقياسي انا .
انشغل بنفسك عن نفسك ، انشغل ببنائها وتغييرها وتحسينها
الايجابية اللي كنت اسمع بصعوبة الوصول اليها حققتها في شهر واقل
وردًا على أي حجة ممكن تجي في عقلك
انا طبقت التجربة في فترة صعبة وكنت مشغولة
كان رمضان وفرح اخويا في العيد
كنت متخرجة من الثانوي وفي فترة تقديم جامعات
وبابا كان بيمر بانتكاسة صحية خفيفة .
مافي اعذار والحل قدامك والخيار بيدك
انت تقرر مين تبغا تكون
ويوم سعيد للقارئين .
الناس تكره صحبتك وتكره الكلام معاك
لمن تسير شخص يقارن نفسو بالناس ويسير يلوم الحياة على كل شي
لمن يتربى في قلبك الحقد والحسد والغيرة من نجاحات ناس غيرك .
التدوينة اللي فاتت شرحت نظرتي لموضوع الايجابية والسلبية
واعطيت بداية لطريق ممكن يمشي عليه أي شخص يبغا يتغير
كلام عملي قابل للتطبيق ، مو مجرد تنظير على خلق ربنا .
لأني انا مريت بتجربة الحلطمة الكتير واعرف انو التخلص منها صعب
وكنت اسمع دعاة الايجابية يتكلموا
طيب فين الحلول ؟
وعشان اوفر عليكم عناء التعب والتفكير حأعطيكم الخلاصة
وليكم الحرية في النهاية تاخدوا بيها أو لا
في النهاية دي مجرد تجربة شخصية بين صحبتين .
في البداية ابغا افكركم بالتجربة ولو كان في ناس ما قريت التدوينة اللي قبل ومافيها تقرا :
كانت ببساطة عبارة عن ٣ قوانين :
١- مافي حلطمة غير يوم السبت .
٢- يوم الجمعة لازم تقول الحاجات الكويسة اللي في حياتك .
٣- لو كسرت القانون الاول تتعاقب بانك تقول حاجات كويسة عن الشي اللي بتتحلطم منو .
في عوامل ساعدت في نجاح التجربة :
١- اهم عامل جديتك انت واصرارك عالتغيير .
٢- التزامك بالقوانين بدون غش ، التجربة دي كأنك بتعمل دايت ما ينفع تغش فيها بعدين تقول ليش وزني ما بينزل .
٣- جدية الشخص اللي بيعمل معاك التجربة ، ومهم مرا انو الشخص دا يكون هوا الشخص اللي انت في الغالب بتتحلطم فوق راسو .
٤- لازم في شي تشغل نفسك بيه عن الحلطمة ، الايجابية رحلة لتحسين الذات والرحلة دي قابلة للاستغلال
الفترة دي كنز وبالنسبالي لانها كانت في رمضان ، قدرنا انا وسهام نغير حاجات كتير جوتنا ونتعلم حاجات كتير .
٥- الايجابية والسلبية ليها اصول دينية وليها علاقة بفهم طريقة عمل اقدار ربنا
لازم تتعلم وتسمع وتقرا كتير لين ما يسير عندك قناعة ثابتة وعلاقة قوية بربنا ، قوة علاقتك بربنا وثقتك فيه ما اوصف قد ايش مهمة.
وعشان تفهم اكتر في موضوع القدر
تتقدر تتفرج على الحلقتين دي ، ساعدتني كتير :
نجي للنقطة الاخيرة والاهم ، ايش نتايج التجربة دي وايش عوايدها عليا انا وسهام ؟
التجربة دي عظيمة عظيمة عظيمة
كانت نقطة محورية في حياتي
نظرتي للاشياء اختلفت وتقديري للاشياء اختلف برضو :
١- طلعنا من اول جلسة امتنان باحساس رهيب و رضا مو طبيعي ، استوعبنا كمية الاشياء الحلوة في حياتنا بس احنا بطبيعتنا البشرية نحب نسلط الاهتمام على السلبيات .
٢- اول مرا اتحلطمت بعد بداية التجربة ، استهنت بجدية سهام واتحلطمت واخدت راحتي بس انصدمت من اني اول ما خلصت طبقت العقاب عليا ، لا شعوريًا الزعل اللي جوتي راح .
* عشان كدا باقول جدية الشخص اللي معاك عامل مهم .
٣- من ضمن الحاجات اللي استنتجناها انو الحلطمة بتكبر المواضيع وتعطيها حجم ومساحة اكبر ، تخلينا نزعل على حاجات ما تحوج .
٤- سار عندنا عادة مو مقصودة ، سرنا نتفكر في حكمة كل شي سيء في حياتنا وندور عالخيرة .
٥- قربنا كتير من السلام الداخلي .
٦- اتوقعت انو بعد اسبوعين الحاجات الحلوة حتخلص ومحا نلاقي شي نقولو يوم الجمعة
بس سارت تتجدد ، الصدمة كانت انو اشياء كنا نشوفها سلبية دحين سرنا نقولها ايجابيات .
٧- سرت راضية فعليًا ، مو راضية عشان لازم ارضى ، لا راضية وممتنة لربنا على كل تفصيل صغير في حياتي .
٨- اول اسبوع في يوم السبت اتحلطمنا شوية
بس بعد كدا سار اليوم يعدي عادي
السبت اللي فات نسينا اصلًا انو سبت ، حاجتنا الملحة للحلطمة اختفت .
٩- اتوصلنا لقناعة انو في فرق بين الحلطمة والفضفضة
الحلطمة انو الانسان يبربر ويزعل من شي ما يحوج
الفضفضة انو يسير موقف يزعلك
تحكيه باختصار وتعبر عن زعلك وتنقفل الهرجة
بدون التضخييم اللي بتعطيه الحلطمة للمواضيع .
١٠- واخيرًا ، انا وسهام حسينا بفرق في نفسنا وما اعرف اذا اللي حوليننا حسو او لا
بس انا سرت مبسوطة وراضية ومرتاحة .
ما باقول اني سرت بمبي زي الناس اللي بانقدهم
ولسا امس معدلة تعديل خفيف في القوانين لاني معد سرت ابغا اتحلطم
التعديل كان انو ممكن "نفضفض" باختصار وبدون كترة كلام
نعطي حزننا او غضبنا حقو بس بدون ما يخربلنا يومنا
ويكون على شي يحوج يزعلني بمقياس شريكتي في التجربة
وشي يحوج يزعلها بمقياسي انا .
انشغل بنفسك عن نفسك ، انشغل ببنائها وتغييرها وتحسينها
الايجابية اللي كنت اسمع بصعوبة الوصول اليها حققتها في شهر واقل
وردًا على أي حجة ممكن تجي في عقلك
انا طبقت التجربة في فترة صعبة وكنت مشغولة
كان رمضان وفرح اخويا في العيد
كنت متخرجة من الثانوي وفي فترة تقديم جامعات
وبابا كان بيمر بانتكاسة صحية خفيفة .
مافي اعذار والحل قدامك والخيار بيدك
انت تقرر مين تبغا تكون
ويوم سعيد للقارئين .
كلام جميل وملهم واهم شيء الاصرار على التغيير الذاتي والعمل على التغيير. (الحلطمه)فعلاً صارت مشكله كل الناس الي حولنا لازم الشخص يتخلص منها ويحاول يكون ايجابي حتى يقدر يتوصل للرضى الداخلي الي كل شخص يتمنى انو يوصل له.
ردحذف